♥25 vjet me pas 1990-2015♥

Kush ka krijuar një profil të thjeshtë në Facebook dhe e ka ndjerë veten të huaj aty, si një xhamajkan në New York, ndoshta nuk i ka qëlluar akoma të shohë qoftë edhe një punë të vetme të piktorëve AVNI DELVINA dhe NIKO DHALES.
Këto ditë, «të huajt» në Facebook kanë rastin e mirë të ndjekin deri më 1 Mars 2015, ekspozitën e tyre në Muzeun kombëtar në Tiranë.

Avni Delvina‎Ekspozita "25 VJET MË PAS"

manifesti i ekspozitës

«Torkuato Taso» von Goethe

Pjesë nga «Torkuato Taso» një pjesë teatrale e Gëtes

Nga njerëzit trembet, veç ai që nuk i njeh
Dhe kush u shmanget, gabim për ta gjykon.
Kjo është rënia e tij, dhe kështu pak nga pak
Një mëndje e lirë, hutohet dhe prangoset.

Përktheu Arjan A. Bejko

Die Menschen fürchtet nur, wer sie nicht kennt
Und wer sie meidet, wird sie bald verkennen.
Das ist sein Fall, und so wird nach und nach
Ein frei Gemüt verworren und gefesselt.

Johann Wolfgang von Goethe «Torquato Tasso»

«Shënjtorët»

Winston Churchill, pasi u plak, natyrisht që nuk e kishte më atë energjinë e mëparshme. Kjo dukej edhe në bisedat, të cilat ai i zhvillonte më të ngadalëshme se dikur.
Ata që nuk e kishin dashur kurrë, por nuk i dilnin përballë, gjetën rastin të merrnin hak, duke folur pas shpine.
Njëherë ai rastisi t'i dëgjonte disa nga këta «miq» tek flisnin, si plakat e lagjeve nëpër rrugica:
- Thonë, se Churchill-i ka rrjedhur fare, do tre orë të nxjerrë një fjalë i shkreti.
Duke qeshur, ai u drejohet atyre që medemek nuk kishin rrjedhur vetë, por qanin hallin e tij:
- Thonë se, edhe nuk dëgjon mirë nga veshët, dhe se nuk i dallon dot hipokritët, por i duken si shënjtorë.

Një zotni i heq puplat gjeldetit

Një zonje të shoqërisë së lartë angleze i qëlloi të darkonte me kryeministrin liberal britanik të asaj kohe William Gladstone dhe një javë më pas me kundërshtarin e tij politik konservator Benjamin Disraeli-n(me origjinë hebraike), i cili kish qenë paraardhësi tij dhe më vonë u bë edhe pasardhësi i tij.
Ç'mendim keni për këta dy burra shteti?- e pyeti një gazetar.
Kur fola me Gladstone, m'u duk se po flisja me njeriun më të mënçur të mbretërisë britanike, ndërsa kur fola me Disraeli-n, m'u duk vetja gruaja më e mënçur e mbretërisë.
Biseda me Disraeli-n më bëri vërtet të mënçur se mësova t'i ndaj meshkujt në zotni dhe gjeldetë.